Бразилката (45-годишна) што беше уапсена на аеродромот во Загреб за шверц на кокаин доби едномесечен истражен затвор во Жупанискиот суд во Велика Горица. Поради опасност од бегство, одредена ѝ е мерка притвор.
Таа се бранеше со молчење пред органите на прогонот, а како што пишува „Јутарњи“, се решила на тој чекор бидејќи е сиромашна. Иако сè уште не го променила полот, на суд се изјаснила како жена и соодветно ќе биде сместена во женското одделение во „Реметинац“.
Хрватската полиција вчера пишуваше во својот извештај како за 45-годишниот маж.
„Четириесет и петгодишен Бразилец е предаден на надзорникот на притвор поради сомнение дека сторил кривично дело неовластено производство и трговија со дрога, односно дека проголтал 117 капсули полни со 1.170 грама дрога кокаин во Бразил со цел тие да се прошверцуваат во Хрватска“, објави вчера ПУЗ.
„Откако проголтал 117 капсули полни со 1.170 грама дрога кокаин во неодреден ден во Бразил за да ги прошверцува во Хрватска, на 29 октомври пристигнал во Хрватска, на аеродромот во Загреб, со лет од Сао Пауло преку Лисабон“, напиша вчера хрватската полиција.
