Прилеп и околните населби утре од 6:30 до 11:00 часот ќе останат без електрична енергија. Од АД МЕПСО информираат дека исклучувањето е поради планирани работи на електропреносната мрежа, кои вклучуваат демонтажа на старо и монтажа на ново проводно јаже на далноводот ТС Битола 1 – ТС Прилеп 1.
Работите ќе траат до четири и пол часа, по што напојувањето ќе биде обновено. АД МЕПСО апелира до граѓаните за разбирање, нагласувајќи дека се работи за активности важни за сигурно и стабилно функционирање на електросистемот.
