Претставничкиот дом на САД синоќа гласаше за воведување санкции кон Меѓународниот кривичен суд (МКС) во знак на протест поради издавањето налози за апсење на израелскиот премиер Бенјамин Нетанјаху и неговиот поранешен министер за одбрана поради кампањата на Израел во Газа.
Против беа 14, а 243 пратеници гласаа за законот со кој ќе се санкционира секој странец кој истражува, апси, приведува или гони американски државјани или граѓани на сојузнички земји, вклучително и Израел, кои не се членови на Судот.
Четириесет и пет демократи им се придружија на 198 републиканци во поддршката на законот. Ниту еден републиканец не гласаше против.
Меѓународниот кривичен суд издаде налози за апсење во ноември за Нетанјаху и неговиот поранешен министер за одбрана, како и лидерот на Хамас, Ибрахим Ал-Масри, за наводни воени злосторства и злосторства против човештвото во конфликтот во Појасот Газа меѓу Израел и Хамас.
