Утрински Весник
Спорт

Претседателот на Салернитана: Сфаќаш колку сакаш некого дури кога ќе си замине

Претседателот на Салернитана: Сфаќаш колку сакаш некого дури кога ќе си замине

Претседателот на Салернитана, Данило Јерволино на прес-конференција ја објасни хаотичната ситуација во клубот во која тренерот Давиде Никола доби отказ, па беше вратен назад два дена подоцна: „Сфаќате колку сакате некого само кога ќе замине“.

dobivaj vesti na viber

По понижувачкиот 8:2 пораз од Аталанта, Никола беше отпуштен и клубот изврши интервјуа со неколку тренери, пред вчеравечер да биде потврдено дека Никола се враќа.

„Морам да ја објаснам ситуацијата. Тимот беше добро составен, но имаше недостасток на концентрација и физичка подготвеност. По таков пораз, во кој не видов желба за борба сметав дека е потребна промена. Можете да го смените тренерот и стотина тренери ни се понудија. Почнавме со состаноците, за добро на клубот. Но, потоа вчера се случи нешто што е уникатно во светот на фудбалот. Јас и тренерот разговаравме преку спортскиот директор Морган де Санктис, кој има голем респект за Никола. Тој сакаше веднаш да се врати на работа, ги призна своите грешки и колку го сака Салерно. Сфаќате колку сакате некого само кога ќе си заминат. Ова беше единствен начин, и за доброто на клубот, на играчите и на навивачите, вистинска одлука е тренерот да добие нова шанса“, вели Јерволино.

Минатата година, кога Салернитана беше убедливо последна во Серија А, клубот ги донесе Јерволино и Никола, кои успеаја да направат вистински подвиг и да изборат опстанок во елитата.

Можете да прочитате

Шефот на Ла лига: Мбапе и Халанд може да дојдат во Реал, но не и во Барса

Ред бул го покажаа новиот „ѕвер“ и потврдија партнерство со Форд од 2026

Италијанско трио тргнува по потписот на Илкај Гундоган