Обилните врнежи од снег вечерва предизвикуваат сериозни проблеми во сообраќајот низ целата земја. Патниот правец Струга – Ќафасан е целосно блокиран поради излетан камион, а сообраќајот на магистралниот пат А2 Охрид – Ресен, кај превојот Буково, е во прекин поради сообраќајна незгода, соопштија од АМСМ.
Од 20:05 часот е воведена целосна забрана за сообраќај за сите видови возила на правецот Струга – граничен премин Ќафасан поради обилни врнежи од снег на коловозот.
Дополнително, од 18 часот, на патниот правец Тетово – Попова Шапка, е задолжителна употреба на зимска опрема (ланци) за сите возила, информираат од ЈП „Македонија пат“.
Возачите се повикуваат на крајна претпазливост и внимателно планирање на патувањата.
