Повеќе локации во Струмица се опожарени. Најсериозно било излетничката населба Суви Лаки, каде во 6:55 часот избувнал оган во викенд-куќа. Пламените јазици за кратко време го зафатиле објектот.
Во гаснењето интервенирале четворица пожарникари од Струмица со едно противпожарно возило, а како поддршка се приклучила и екипа од ТППЕ од Берово со уште четворица пожарникари и едно возило.
Еден час подоцна, во 8:12 часот, била регистрирана нова интервенција на улицата „Бетовенова“ во Струмица, каде се запалила куќа. На оваа локација биле ангажирани три противпожарни возила и осум пожарникари-спасители, кои успеале да го спречат ширењето на пожарот.
