Во пожарот што рано утринава зафати куќа во градот Лахоре на истокот на Пакистан загинаа 10 лица, меѓу кои шест деца, соопшти полицијата.
Две жени, двајца мажи и шест деца на возраст меѓу шест и 16 години ги загубија животите, изјави заменик генералниот инспектор на полицијата во Лахоре, Али Наси, пренесе Асошиејтед прес.
Тој рече дека причината сè уште не е утврдена, но полициските иследници се сомневаат дека краток спој го предизвикал пожарот во преполната станбена зона Бати Гејт. Премиерот на земјата Ер Шехбаз Шариф во соопштение изрази длабока тага поради загубата на животи.
Детекторите за чад и другите технологии кои можат да ја подобрат безбедноста од пожари во станбените згради не се користат вообичаено во Пакистан, а пожарите во домовите и другите јавни простори, како што се трговските центри, се вообичаени.
