Утрински Весник
Свет

Повеќе рудари се затрупани од лизгање на земјиштето во рудник за злато во Турција

Се стравува дека девет рудари се затрупани откако се појави свлечиште во рудник за злато во источна Турција, изјави денеска министерот за внатрешни работи Али Јерликаја.

Рудникот Коплер се наоѓа во близина на Илич, во планинската провинција Ерзинџан, на истокот на Турција.

Турскиот министер за внатрешни работи рече дека не е познато што се случило со деветмината рудари и дека 400 лица за пребарување и спасување се на местото на настанот. Во спасувачката операција учествуваат и вработени во агенцијата за одговор при итни случаи АФАД од соседните провинции.

„Има луѓе затрупани под земја, нивниот број не е јасен. Потрагата и спасувањето започна“, изјави гувернерот на Ерзинџан, Хамза Ајдогду.

Градоначалникот на Ерзинџан, Бекир Аксун за Хабертурк изјави дека меѓу 10 и 12 работници се водат за исчезнати.

Рудникот Коплер го работи Анаголд Мајнинг од 2009 година, а Јерликаја рече дека таму се вработени 667 луѓе.

Можете да прочитате

Шпанската полиција разби мрежа која илегално извезувала одбранбени материјал во Саудиска Арабија

Галант против ослободување од воена служба на ултраортодоксните Евреи: Тоа е најважно прашање на националната безбедност

Стано: Со заканите со нуклеарно оружје Путин се обидува да ја префрли одговорноста за војната