Потребниот цензус од 40 отсто од избирачите да излезат на гасање за да се избере претседател на Македонија во вториот изборен круг е постигнат, соопштија од ДИК, според податоците пристигнати до 17 часот од 2024 избирачки места. До 17 часот гласале 452.412 гласачи што е излезност од 42,32 %. -Најголема излезност на претседателските избори има во Новаци 66,47% , а најмала во Липково со 6,48%, информира Александар Дашевски, претседател на ДИК. За парламентарните избори, до 17 часот својот глас го дале 46,93 отсто од избирачите. Најголема излезност на парламентарните избори има во општина Кривогаштани – 79,73 отсто, а најмала во општина Маврово-Ростуше – 22,93 отсто. На денешните двојни избори во Македонија, 7. претседателски и 11. парламентарни избори право на глас имаат 1.814.317 граѓани.
Потребниот цензус од 40 отсто излезност за избор на претседател е постигнат до 17 часот
