Министрите за одбрана на Полска, Естонија, Летонија и Литванија во заедничко соопштение изјавија дека нивните земји ќе ја напуштат Конвенцијата од Отава за забрана на противпешадиски мини со цел да ја подобрат својата безбедност по руската инвазија на Украина.
Со повлекување од договорот ратификуван во 1997 година, кој беше поддржан од повеќе од 160 земји, овие држави повторно ќе можат да складираат нагазни мини.
„Со оваа одлука испраќаме јасна порака: нашите земји се подготвени и способни да ги искористат сите неопходни мерки за да ги заштитат нашите безбедносни интереси“, се вели во заедничката изјава на министрите за одбрана на тие земји.
