15-годишник од скопското село Студеничани бил лишен од слобода откако полицијата го затекнала како управува автомобил без возачка дозвола.
Според информациите од МВР, настанот се случил вчера во 15:30 часот во Студеничани, кога полициски службеници од СВР Скопје при сообраќајна контрола сопреле „фолксваген голф“ со скопски регистарски ознаки.
При контролата било утврдено дека зад воланот се наоѓа 15-годишник од истото село, кој управувал со возилото без да поседува возачка дозвола.
Малолетникот бил лишен од слобода, а за случајот бил известен јавен обвинител за малолетници.
По целосно документирање на настанот ќе следува соодветна пријава.
