Играчот од средниот ред на Јувентус и на француската репрезентација, Пол Погба е суспендиран на четири години поради допинг, објавија италијанските медиуми.
Одлуката ја донел италијанскиот антидопинг трибунал, а повеќе извори во Италија, меѓу кои и „Република“ и „Скај спорт“, потврдуваат дека антидопинг трибуналот ги прифатил барањата на обвинителот на ФИГЦ, па францускиот играч за врска е суспендиран на четири години.
За потсетување, Погба падна на допинг тест на 20 август 2023 година по првиот натпревар од Серија А помеѓу Јувентус и Удинезе, иако не ни влезе во игра – натпреварот го мина на клупата за резерви.
