Седуммина активисти кои протестираа против климатските промени се качија на фонтаната Треви во Рим и истурија разреден јаглен во водата за да ја поцрнат, јавија италијанските медиуми.
Демонстрантите од групата Ultima Generazione (Последна генерација) кренаа транспаренти на кои пишуваше „Нема да плаќаме за фосилни [горива]“ и извикуваа „Нашата земја умира“.
Униформираната полиција влезе во водата за да ги одведе активистите. Многумина туристи го снимаа целото случување, а некои извикуваа навреди кон демонстрантите, покажа видео снимката.
