Актерот Дејвид Гејл почина на 58-годишна возраст, потврди во неделата на Инстаграм неговата сестра Кејти Колменарес. Причината за смртта е непозната. Дејвид Гејл го играше доктор Џо Сканлон во повеќе од 200 епизоди на Порт Чарлс, спин-оф на серијата Општа болница. Тој го играше и Стјуарт Карсон, вереникот на Бренда Волш (Шенен Доерти) во серијата Беверли Хилс 90210, како и Дин Колинс во сапуницата Савана. -Речиси и немаше ден во мојот живот да не си бил покрај мене, секогаш мој придружник, секогаш мојот најдобар пријател подготвен да се соочи со се’ и секого за мене“, напиша Кејти и додаде: „Секој ден ќе го чувам во моето срце“. „Ти беше прекрасно, сакано и неверојатно човечко суштество кое ќе недостига секоја секунда, секој ден, засекогаш“, напиша таа. Пит Фериеро, водител и продуцент на подкастот Беверли Хилс 90210, зборуваше за смртта на Дејвид. Тој објави снимки од Дејвид од подкастот. „Тој беше исполнет со живот и неверојатни приказни. Благодарен сум што го познавав. Многу сум тажен поради оваа загуба на светот. Тој беше подарок за сите нас“, напиша Фериеро под објавата на сестрата на актерот. Гејл е роден на Флорида во 1965 година.
Почина свршеникот на Бренда од серијата „Беверли хилс“
