По кратко боледување, денеска во Скопје, на 42-годишна возраст, почина новинарот Ѓорѓи Томиќ.
Томиќ беше истакнат новинар и долгогодишен дел од македонската медиумска сцена. Од 2007 до 2018 година работеше како уредник во информативната редакција на Канал 5, каде што со својата посветеност и професионализам даде значаен придонес во известувањето за надворешната политика.
Колегите и пријателите ќе го паметат како професионалец со остар новинарски дух, но и како човек со исклучителна другарска природа, кој секогаш беше подготвен да помогне. Неговото заминување претставува голема загуба за македонското новинарство.
