Утрински Весник
Магазин

Почина авангардната српска пејачка Слаѓана Милошевиќ

Sladjana Milosevic 270001 Photo E Stock Caslav Vukojicic 725x482 1.jpg
Ss2

Авангардната српска уметница и пејачка Александра Слаѓана Милошевиќ почина денеска на 69-годишна возраст, потврди за ФоНет нејзината пријателка Билјана Петровиќ.

Милошевиќ почина во Земунската болница по кратко боледување, а датумот и часот на погребот ќе бидат објавени подоцна.

Ss1

Александра Слаѓана Милошевиќ е родена во Белград на 3 октомври 1955 година и важеше за икона на новиот бран од осумдесеттите во некогашна Југославија.

Првиот соло настап го имала на фестивалот „Студентско лето“ во Маглај во 1974 година, каде што ја освоила „Гран при“.

На површината на југословенската поп-рок сцена излегла во 1977 година со песната „Ау, ау“ и истата година го имала првиот голем настап на Концертот кај Хајдучка чешма, каде настапувала пред Бијели Дугме.

Милошевиќ почна да крши табуа кога објави песна наречена „Секси дама“, која беше забранета да се емитува на бројни радио и телевизиски програми.

Во 1979 година ја промовираше песната „Амстердам“, а во 1981 година настапи на изборот за југословенски претставник на Евровизија во Белград и го освои осмото место со композицијата „Рецепт за љубов“.

Во 1984 година со Дадо Топиќ ја сними песната „Принцеза“, која беше преведена и на англиски, а во 1989 година замина во САД, каде извесно време свиреше со групата „Бејби сестра“.

Извесно време била брокер на акции, а работела и во маркетинг агенции. Таа се вратила во Белград во 1995 година.

Ss1

Можете да прочитате

Вишната го намалува крвниот притисок

Дејвид Бекам ја изнесе на грб сопругата Викторија од роденденската забава

Една од најпопуларните атракции во Барселона „избришана“ од Гугл и Епл Мапс