Менаџерот на Манчестер сити, Пеп Гвардиола знае дека неговото долгогодишно водење на Манчестер сити ќе биде оценувано според успехот во Лигата на шампиони, иако признава дека не му се допаѓаат таквите прашања и смета дека тоа не е единствениот репер за успех.
Гвардиола пристигна во Манчестер во 2016 по двете титули од ЛШ со Барселона и трите титули во низа од Бундеслигата со Баерн Минхен и имаше неверојатен успех во Премиерлигата, нешто што не се претвори во успех во ЛШ. Пред реваншот против РБ Лајпциг во осминафиналето, Гвардиола реагираше кога повторно беше прашан за важноста да се освои трофејот.
„Го знам тоа. Знам дека ќе ме ценат според Лигата на шампионите. Зошто? Бидејќи од првиот ден кога пристигнав, во првиот меч од ЛШ ме прашаа дали сум тука да ја освојам ЛШ. Прашав: ‘Што?’ Да бев менаџер на Реал Мадрид, што нема да се случи, ќе го разберев прашањето. Но, тука то не е возможно. Но, го прифаќам“, вели Гвардиола.
‘I will absolutely be judged by Champions League record at Man City! | Pep Guardiola
🎥 Full press conference here https://t.co/GLaoSOVEcr pic.twitter.com/3wjqMkpGAO
— BeanymanSports (@BeanymanSports) March 13, 2023
