Претседателскиот кандидат Стево Пендаровски, поддржан од СДСМ, на синоќешниот митинг во Гевгелија порача дека доколку се прекрши договорот од Преспа, тогаш земјата ќе излезе од НАТО.
Тој рече дека сегашната владејачка партија со сите свои мани е десет пати подобра од она што го понудила или го нуди сега опозицијата.
„Сите имаме маани, и тоа мораме да го признаеме, но и со сите наши маани, 10 пати сме подобри од нив. На нив тогашниот генерален секретар сега им е претседател, ниту по име и презиме не се разликуваат од тогаш, ниту по практикување на политиката. После толку години чекање, да не дозволиме нова блокада, сега кога сме на самиот влез, да не им дадеме власт на овие луѓе. Со нас одењето напред ќе биде загарантирано. Не сакаме да го малтретираме македонскиот народ. Барам масовна мобилизација, затоа што резултатите од првиот круг, ќе ги одредат резултатите во вториот круг. Јас ветувам дека во следните пет години нема да ги делам луѓето по партиска припадност, ниту по социјален статус, сите кај мене еднакво доаѓале како да се дома. Ако ми дадете доверба, ќе бидам истиот. Ќе доаѓам дома кај вас, сум поминал не знам низ колку македонски куќи, да ве прашам што ви недостасува, и така ќе биде и во иднина“, рече Пендаровски.
