Акција за контрола на увозниците на овошје и зеленчук спроведува од утрово низ целата држава. Државниот пазарен инспекторат (ДПИ) во координација со Управата за финансисика полиција и Управата за јавни приходи ги контролираат производите кои по одлуката на Владата треба да се продаваат по замрзнати цени.
Со акцијата се опфатени увозници на зеленчук и овошје во Скопје, а се вршат надзори и кај увозниците на големо во Струмица, Дебар и други градови, информираат од ДПИ која на терен испрати 3 инспектори.
Директорот на ДПИ Горан Трајковски најави дека акцијата ќе трае во текот на целиот ден, а сумирани информации за исходот ќе бидат објавени в понеделник. Од понеделник инспекторите ќе продолжат да вршат постојани контроли исто како и во изминатиот период.
Инаку, министерот за економија Крешник Бектеши, вчера најави дека на седница на Владата во вторник ќе бидат ревидирани дел од замрзнатите цени на овошјето и зеленукот порачувајќи дека ќе продолжат контролите за тоа како е направен увозот во нашата држава за сите увозници на овошје и зеленчук за последните месеци.
