Неколку лица се повредени во судир меѓу патнички воз и товарен воз во близина на Бјеловар, Хрватска, во сабота наутро. Железничкиот сообраќај на таа делница е привремено прекинат.
Несреќата се случила околу 10:05 часот наутро на пругата помеѓу станиците Свети Иван Жабно и Градец.
Според првичните информации, се судриле товарен воз од ХЖ Карго и патнички воз од ХЖ Путнички превоз , пренесува Јутарњи лист.
Во несреќата се повредени неколку лица, но засега нема детални информации за сериозноста на нивните повреди.
Никој не загина. Во патничкиот воз имало околу дваесет патници.
Полицијата и брзата помош се на местото на несреќата. Пругата е затворена за сообраќај. Според неофицијални информации, товарниот воз поминал на црвено светло.
