Папата Франциско на трансродово лице му рекол дека „Бог не сака такви какви што сме“, објавија медиумите во Ватикан.
Неговите зборови биле кажани во подкаст каде тој слушал и одговарал на аудио пораки пред католичкиот младински фестивал во Португалија.
Една од пораките дошла од Гиона, Италијанка во раните дваесетти години, која рекла дека е растргната од „дихотомијата меѓу нејзината католичка вера и нејзиниот трансродов идентитет“.
Папата одговорил дека „Господ е секогаш со нас, дури и кога сме грешници, тој ни се приближува да ни помогне“.
„Господ не сака такви какви што сме. Тоа е Божја луда љубов“, рекол тој.
На тема хомосексуалност папата одговорил: „кој сум јас да судам“.
86-годишниот папа повтори дека бракот може да се толкува само како доживотна заедница меѓу маж и жена.
Конзервативците, го критикуваат благиот однос на папата кон ЛГБТ заедницата, иако тој долго време се повикува на католичкото учење според кое хомосексуалната привлечност не е грев.
Односот на црквата кон ЛГБТ заедницата, жените и католиците кои се развеле и повторно се венчале во црква ќе биде тема на светската средба на бискупите што треба да се одржи во октомври годинава и во 2024 година.
