Од почетокот на пандемијата до првиот квартал од оваа година Данска потрошила околу 16,1 милијарди буџетски евра (120 милијарди круни) за борба против коронавирусот, се вели во извештајот објавен од Данската државна агенција за статистика.
Потрошените пари за здравствените установи, кои ги покриваа трошоците за вакцинација, тестирање и лекување, сочинуваат 28 отсто од таа сума. Од друга страна, пакетите за економска поддршка учествуваат со 68 отсто од тие расходи.
Според извештајот, во споредба со другите земји, Данска со своите шест милиони жители во голема мера се потпираше на тестирање во раните фази на пандемијата. Тие тестови чинат околу 2,3 милијарди евра (17,8 милијарди круни) или повеќе од половина од парите потрошени за здравството. Програмата за вакцинација чинеше околу 873 милиони евра (6,4 милијарди круни).