Зоранчо Јованчев, пратеник од ВМРО, во дебатата за разрешување на министерот за информатичко општество и администрација, рече дека имаме Влада на скандали и срам.
„Го доживеавме најголемиот скандал на меѓународен план со еврообврзницата. Зошто министерот за правда не го потпишал документот пред да замине, дали имал информации дека средствата ќе бидат злоупотребени или, пак, тоа го направил од одмазда зошто е сменет? Без пари ја оставивте државата. Ова го прават аматери. И не е првпат дека се срамиме пред меѓународната јавност“, рече Јованчев.
Оваа Влада, рече тој, со својата неспособност го крахира системот за здравствено осигурување. Оваа „пазар 3-коалиција“, како што ја нарече пратеникот, е не за интересот на граѓаните, туку за бизнис и лични интереси.
„Со Владата управуваат Ахмети и Груби, а Ковачевски е нивни слуга. Овој владин состав ќе донесе криминал. СДСМ станува малцински партнер во Владата“, рече Јованчев.
