Денеска се одбележуваат 80 години од погромот на македонските Евреи. Настанот ќе биде одбележан со низа активности во текот на целиот денешен ден, соопшти Еврејската заедница во Македонија.
– Осумдесет години од депортацијата на македонските Евреи во Треблинка е настан, којшто не смее да се заборави, порача Пепо Леви, претседател на Еврејската заедница на комеморативната програма во Штип вчера.
Со настаните што се одржуваат во Штип, Битола и Скопје последниве три дена се оддава почит на 7.144 Евреи од Македонија кои за време на Втората светска војна од бугарските војски беа одведени во нацистичкиот логор Треблинка.
