Осум лица загинаа, меѓу кои и едно мало дете, кога автобус во западна Турција се лизнал од патот и се запалил утрово, објавија локалните медиуми.
Автобус во сопственост на туристичката агенција Памуккале удрил во ограда на автопатот во покраината Денизли во 1:40 часот по локално време додека патувал од Измир кон Анталија, јавува агенцијата Демирорен.
Во моментот на несреќата, во возилото имало 38 лица, а меѓу загинатите се 50-годишен возач и татко на деветмесечно момче.
Се претпоставува дека причина за несреќата е големиот интензитет на сообраќајот поради завршувањето на верскиот празник Курбан Бајрам.
