Градоначалникот на Град Скопје, Орце Ѓорѓиевски оствари работна средба со делегација на Националниот демократски институт (НДИ), предводена од вишиот резидентен директор Роберт Скот Хајзлет. На средбата присуствуваа и претставници на НДИ, како и универзитетски професор.
Во рамки на разговорите, делегацијата беше информирана за тековните проекти и активности на Град Скопје, како и за стратешките приоритети и идните планови насочени кон развој на Скопје како модерен, безбеден и инклузивен град, ориентиран кон потребите на граѓаните.
Посебен акцент беше ставен на досегашната успешна соработка меѓу Град Скопје и НДИ, при што беа разгледани можностите за нејзино понатамошно унапредување преку заедничка реализација на проекти и активности во повеќе области, со цел јакнење на демократските процеси и подобрување на квалитетот на живот на граѓаните.
