„Осум милијарди луѓе се важна пресвртница за човештвото“, изјави шефицата на Фондот за население на Обединетите нации, Наталија Канем, поздравувајќи го зголемувањето на животниот век и помалата смртност на мајки и деца.
„Сепак, сфаќам дека овој момент можеби нема да го слават сите. Некои изразуваат загриженост дека нашиот свет е пренатрупан. Јас сум тука за да разјаснам дека само бројот на човечки животи не е причина за страв“. Значи, не има ли премногу за да може Земјата да се справи со нас? Многу експерти велат дека тоа е погрешно прашање. Наместо да се плашиме, треба да се фокусираме на прекумерната потрошувачка на ресурсите на планетата, за што се одговорни најбогатите меѓу нас.
„Премногу за кого, премногу за што? Ако ме прашувате мене, дали сум премногу? Мислам дека не е така“, изјави Џоел Коен од Лабораторијата за население на Универзитетот Рокфелер за АФП. Тој рече дека прашањето колку луѓе може да поддржи Земјата има две страни: природни ограничувања и човечки избор.
Нашите избори резултираат со тоа што луѓето трошат многу повеќе биолошки ресурси, како што се шумите и земјиштето, отколку што планетата може да обновува секоја година. Прекумерната потрошувачка на фосилни горива, на пример, доведува до повисоки емисии на јаглерод диоксид, одговорен за глобалното затоплување.
Во најновиот климатски извештај на ОН се наведува растот на населението како еден од главните двигатели на емисиите на стакленички гасови.
„Ние сме глупави. Не можевме да погледнеме во иднината. Ние сме алчни. Не ги користиме информациите што ги имаме. Таму лежат изборите и проблемите“, рече Коен. Сепак, тој ја отфрла идејата дека луѓето се проклетство на планетата, велејќи дека на луѓето треба да им се даде подобар избор.
