Голема санта мраз се откина од ледената покривка на Антарктикот, објави истражувачката организација British Antarctic Survey (BAS). Ледениот брег од 380 квадратни километри се откина во понеделникот, неколку недели откако се отвори пукнатина од 14 километри во мразот.
Ваквото одвојување на огромно парче мраз од глечер или од ледена маса е трето во регионот во последните четири години.
Научниците на BAS забележале нестабилност во таа област пред повеќе од десет години, поради што британската истражувачка станица Хали била преместена 20 километри во внатрешноста на 2016 година. Истражувачот на БАС, Оливер Марш, рече дека „ваквото распаѓање на мразот се очекуваше уште пред осум години, што ја намали вкупната површина на ледената покривка во најмала мера од почетокот на мониторингот“.
Во соопштението за печатот, истражувачите на БАС истакнаа дека настанот не е поврзан со климатските промени. Научниците престојуваат во базата Хали од ноември до март, односно за време на летото на Антарктикот. Во текот на остатокот од годината, областа се следи со помош на сателитски снимки.
