Најмалку 27 лица загинаа во лизгање на земјиштето што затрупа автобус во северозападна Колумбија во провинцијата Рисаралда, соопштија денеска колумбиските власти.
„Досега 27 лица, меѓу кои и три малолетни, загинаа во трагедијата во Рисаралда“, напиша на Твитер колумбискиот претседател Густаво Петро.
Con tristeza debo anunciar que hasta el momento 27 personas, incluyendo 3 menores, han perdido su vida en la tragedia de Pueblo Rico, Risaralda. Solidaridad con las familias de las víctimas, tendrán un acompañamiento integral por parte del Gobierno Nacional.
— Gustavo Petro (@petrogustavo) December 5, 2022
Тој додаде дека изразува солидарност со семејствата на жртвите и вети поддршка од Владата.
Претходно, гувернерот на Рисаралда, Виктор Мануел Тамајо изјави дека пет патници од автобусот преживеале, а спасувачите работат на пронаоѓање на телата на другите жртви, пренесува Ројтерс.
Колумбија ја погодија обилни дождови под влијание на временскиот феномен Ла Ниња, а досега загинаа повеќе од 216 лица, 48 лица се уште се водат како исчезнати, додека 538.000 луѓе останаа без своите домови поради несреќи предизвикани од врнежите.
