Надворешната канцеларија за криминалистички работи Свети Николе поднесе кривична пријава против 36-годишно лице од селото Сарамзалино, општина Лозово, поради злоупотреба на службената положба и овластување.
„Пријавениот, во периодот од 19.10.2020 до 28.12.2020, додека бил одговорно лице на синдикална организација при основно училиште во Лозово, повеќе пати без покритие си префрлал пари собрани од членарина на синдикална организација на својата трансакциска сметка“, велат од МВР.
Пријавениот, со тоа, се стекнал со вкупно 36.000 денари противправна имотна корист.
