Женската одбојкарска репрезентација на Македонија го забележа и третиот пораз во Сребрената Европска лига. Подобри од нашите одбојкарки беа Естонките кои важеа за големи фаворитки и пред почетокот на мечот. Го комплетираа триумфот со 0:3 во сетови (10:25, 14:25, 20.25).
Естонија на почетокот покажа сила и лесно го освои првиот сет, но македонските одбојкарки играа сѐ подобро како што одминуваше натпреварот.
Во вториот сет Македонија освои 14 поени, а во третиот даде навистина силен отпор и стигна до 20 поени.
На 10 јуни, македонските одбојкарки ќе играат повторно против Естонија, на гостински терен.
