Од утре сообраќајот на регионален пат Р1306 делница Прилеп-Крушево – Сладуево ќе се одвива според одобрен сообраќаен проект за времен режим на сообраќај.
Како што информираа од АМСМ, времената измена на сообраќајниот режим е заради започнување со градежни активности во врска со проект санација на оштетувања на регионален пат Р 1306 делница Прилеп-Крушево -Сладуево, во вид на слегнувања на трупот на патот на стационажа од км 15+100 до км 15+600.
Сообраќајот на останатите државните патишта се одвива непречено, пo суви коловози.
Од 04:30 часот сообраќајот на регионалниот пат Битола-с. Драгош е нормализиран.
Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
