Утрински Весник
Македонија

ОД ДЕНЕС РЕГИОНОТ НА УДАР НА СИЛНИ ВЕТРОВИ – ЗА ВРЕМЕ НА ВИКЕНДОТ И ОБИЛНИ ДОЖДОВИ!

Accprecip 20240222 12 090 660x330 1.jpg

Метео анализа на Славчо Поповски:

Под влијание на веќе најавениот длабок циклон кој е со центар над северозападна Европа, од денес, па за време на викендот во поголем дел од регионот се очекуваат силни удари на ветер од јужен и од југозападен правец (повремено и локално со брзина од над 85 км/час)

Web

За време на викендот се очекуваат и доста обилни врнежи од дожд, особено во југозападна Босна, поголем дел од Црна Гора и на северот од соседна Албанија (се очекува да наврнат од 60 до над 150 литри дожд на метар квадратен), токму поради ова се можни и локални поплавувања.

Заследете ја мојата официјална фејсбук страница Славчо Попоски – МЕТЕО Прогнозер и мојот официјален инстаграм профил https://www.instagram.com/slavchopoposki/

На планините во Босна и Херцеговина, Црна Гора  и на северот од Албанија ќе врне снег, па така локално се очекува формирање на снежна покривка со висина од над 30 сантиметри.

Кај нас во Македонија од денес, па за време на викендот повремено ќе дува засилен ветер од јужен и од југоисточен правец (повремено и локално со брзина од над 60 километри на час). Исто така за време на викендот и кај нас ќе има врнежи, но тие ќе бидат далеку послаби за разлика од регионот и од локален карактер, што значи не потои никаква опасност од поплавувања.

Што се однесува до температурите, тие  и понатаму ќе бидат невообичаено високи за овој период од годината, и тоа поради изразеното јужено воздушно струење и тие ќе се искачуваат во интервалот од 11 до 18 степени.

Не се исклучува можноста тие во најтоплите централни и југоисточни предели да се искачат до околу 20 степени.

Натпросечното топло време за овој период од годината ќе продолжи и во текот на следната недела.

Можете да прочитате

Ванковска: БРИКС е еден од одговорите на она дека немаме друга алтернатива

ЗНМ и ССНМ: ОЈО да ја отфрли неоснованата кривична пријава на МВР кон новинарот Салиу

(Видео) Јакимовски најави мерка за помош на пенизонерите – гарантирани 25.000 денари за секое пензионерско семејство