Американскиот тинк-тенк за одбрана и безбедност Институт за воени студии (ISW) денеска објави дека украинската армија досега ослободила 2.500 квадратни километри во регионот на Харков.
Тоа е резултат на украинската офанзива која трае со денови. Објавена е и карта на која се гледа колкава територија ослободила украинската армија во овој дел.
Руските напредувања се означени со црвено, а украинските контранапади се означени со сина боја. Делот означен со жолто покажува места под руска контрола.
Ukraine’s counteroffensive in Kharkiv Oblast as mapped by @criticalthreats and @TheStudyofWar pic.twitter.com/RKqCdo2Pr7
— Brady Africk (@bradyafr) September 10, 2022
Се наведува дека Русија го напуштила своето главно упориште во североисточна Украина во саботата, при ненадејниот колапс на една од главните линии на фронтот, откако украинските сили се заканија дека ќе ја опколат областа.
Брзиот пад на Изјум во областа Харков беше најтешкиот пораз на Москва од март, кога руските војници беа принудени да се повлечат од главниот град Киев.
Зпадните медиуми коментираат дека тоа би можело да биде одлучувачка пресвртница во шестмесечната војна, при што илјадници руски војници бегаат и ја напуштаат муницијата и опремата.
