Килијан Мбапе го предводеше Пари Сен Жермен со капитенската лента на натпреварот од Купот на Франција против аматерскиот тим Пеи де Касел, постигнувајќи пет гола во триумфот од 7:0. По натпреварот, тренер Кристоф Галтие потврди дека Мбапе е еден од замениците капитени на тимот и оваа одлука е донесена уште пред почетокот на сезоната.
Сепак, пред него лентата требала да му припадне на Преснел Кимпембе.
„Килијан заслужува да ја носи лентата кога Маркињос е отсутен“, изјави Галтие, а во францускиот печат имаше коментари дека Преснел Кимпембе има статус на втор капитен.
„Во последните неколку часа прочитав и слушнав многу работи за себе. За да ја разјаснам ситуацијата и да не ширам повеќе лаги, ќе кажам дека не сум информиран за оваа одлука, но секогаш ќе ги почитувам одлуките на клубот“, напиша Кимпембе на социјалните мрежи.
