Норвешка усвои нов пакет санкции против Русија, во кој се вклучени 30 руски државјани и седум организации, соопшти денеска прес-службата на норвешката влада.
„Норвешка уште еднаш стои со ЕУ по прашањето за санкциите против Русија, со цел да се одржи притисокот врз владата на таа земја и нејзините поддржувачи“, изјави министерката за надворешни работи Аникен Хјутфелт, пренесе ТАСС.
Норвешката влада оцени дека санкции, кога станува збор за поединци, се воведени за организаторите на референдумот во самопрогласените републики Доњецк и Луганск, како и во регионите Керсон и Запорожје.
