Утрински Весник
Култура

Научен собир за македонските писатели кои создаваат во странство

Научен собир за македонските писатели кои создаваат во странство

Во организација на Институтот за наука, алтернатива, култура и уметност од Скопје, се одржа научен собир на тема Книжевното творештво на македонските автори во дијаспората – компарации, насоки и препораки.

dobivaj vesti na viber

На собирот зедоа голем број учесници од земјава и странство (Австралија, Италија, Србија, Хрватска, Шведска, Црна Гора и други земји), кои заклучија дека поделбата на писатели од татковината и во странство е вештачка и непотребна, зашто речиси сите тие пишуваат на мајчиниот јазик и нема некои посебни и поголеми разлики меѓу нив.

Исто така, учесниците на собирот констатираа дека и терминот дијаспира не е најсоодветен и по малку е навредлив за нив, а литературата што тие ја создаваат може да се оквалификува како носталгична книжевност.

На собирот покрај за македонската книжевност се говореше и за другите литератури кои се создаваат на Балканот, Европа и во светот. Притоа, беше предложено да бидат подготвени и објавени повеќе избори со творештвото кое се создава во странатво, а овој собир на творците кои живеат, работат и создаваат во странство – да стане традиционален и да се одржува барем еднаш годишно.

Можете да прочитате

Почнува Европскиот филмски предизвик кој победникот го носи на Интернационалниот филмски фестивал во Берлин

Промоција на романот „Засолниште во времето“

Настани на „Денови на европско Скопје“