Вчера попладне во 13.20 часот полициски службеници од СВР Велес го лишиле од слобода 40-годишниот Ѓ.К. од Велес, поради основано сомнение дека извршил кривично дело „разбојништво“, извести МВР.
– Имено, истиот ден на ул.„Илинденска“ во Велес тој физички ја нападнал М.М (76) од Велес, при што ѝ одзел паричник со пари, соопшти МВР.
Лицето е приведено во Полициската станица Велес, а одземените предмети се пронајдени и вратени на сопственикот. По целосно документирање на случајот ќе следи соодветна пријава.
