Утрински Весник
Свет

Нападнат хеликоптер на ОН, едно лице загина

Падна хеликоптер во Норвешка, има загинати

Едно лице загина, а друго е рането при пукање врз хеликоптер кој летал на средна височина за време на мисијата на ОН МОНУСКО во ДР Конго.

dobivaj vesti na viber

Во престрелката е убиен еден член на мисијата на ОН од Јужна Африка, додека друг е тешко ранет. Престрелката се случила на истокот на земјата, соопшти мисијата на ОН.

Хеликоптерот бил на лет за Гома, главниот град на провинцијата Северен Киву, каде што успеал да слета.

Засега не се знае кој пукал во хеликоптерот, ниту пак точната локација од која е направено тоа.

Мировната мисија на ОН од околу 18.200 војници е распоредена во источно Конго откако ја презеде функцијата од претходната операција на ОН во 2010 година.

Нејзиниот мандат вклучува поддршка на напорите на владата на Конго за стабилизирање на регионот потресен од бунтовничкото насилство.

Да потсетиме, минатата година во сличен инцидент во ДР Конго беше убиен припадникот на војската на Србија, потполковник Дејан Станојевиќ, пренесе Б92.

Можете да прочитате

Aстразенека горда на својот придонес за ставање крај на пандемијата: Само во првата година спасени над 6,5 милиони животи

Протест за Газа пред универзитетот во Амстердам, студентите поставуваат блокади

ЕУ постигна начелен договор за користење на замрзнатите руски средства за Украина