Во Италија, недалеку од Милано, вечерва се случи напад, пренесува „Corriere della sera“.
Напаѓачот зел нож од продавница во трговскиот центар Миланофиори во Асаго и почнал по случаен избор да ги боде жртвите.
Повредени се четири лица, од кои некои се во тешка состојба, јавува медиумот.
Според написите, меѓу повредените е и Пабло Мари (29), шпанскиот дефанзивец на прволигашот Монца, позајмен од Арсенал.
Напаѓачот, 46-годишен маж со италијанско потекло, бил спречен од карабинерите.
Засега не се познати причините за нападот. Не е јасно дали имало расправија пред инцидентот или се работи за човек со психички нарушувања.
Засега е исклучена каква било поврзаност со тероризам, пренесуваат италијанските медиуми.
