Напаѓачот на републиканскиот претседателски кандидат Доналд Трамп користел беспилотно летало над местото на настанот неколку часа пред атентатот на поранешниот американски претседател на митинг во Пенсилванија минатата сабота, изјави неименуван добро информиран извор за Ен-Би-Си Њуз.
Изворот рече дека снимката со дрон му овозможила на убиецот Томас Крукс да добие поглед одозгора, што можеби му помогнало да го планира нападот врз Трамп.
-Дронот и опремата за беспилотни летала се пронајдени од возилото на Крукс – изјави висок извор од органите на редот.
Волстрит џурнал прв објави дека Крукс користел дрон.
Се чини дека воздушниот надзор е уште еден во низата безбедносни пропусти што му дозволија на напаѓачот да го застрела Трамп, според Ен-Би-Си.
Вообичаена практика е тајната служба да забранува беспилотни летала во областите што ги обезбедува, иако не е јасно дали тоа се случило во врска со митингот во Пенсилванија минатата сабота.
Вооружениот напаѓач, 20-годишниот Томас Крукс, е убиен откако го застрела Трамп во уво, а мотивот за атентатот останува непознат.
