Утрински Весник
Спорт

Над три милиони луѓе во салите ги следеа натпреварите од регуларниот дел од Евролигата

5521249 Untitled Ls.jpg

Евролигата излезе со официјално соопштение според кое е поставен нов рекорд на најелитното европско натпреварување.

Имено, регуларниот дел од сезоната во Евролигата во салите го следеа вкупно над три милиони луѓе, поточно 3.000.841.

Во салите во просек имало 10.383 гледачи што е зголемување за 18 отсто во однос на претходната сезона кога просекот беше 8.748.

-Навивачите покажаа повеќе од кога било дека сакаат да ги гледаат ѕвездите од Евролигата на дело. Имавме пораст од 18 проценти во однос на претходната сезона. Најзаслужен е Партизан, кој води во конкуренцијата по просечна посетеност од 19.916, но и 99 проценти зафатеност на салата на сите домашни натпревари. Просечната исполнетост на салите на натпреварите од регуларниот дел од сезоната изнесува 82 отсто, што е зголемување за два отсто во однос на претходната сезона. По Партизан, втор тим по просечна посетеност е Црвена звезда (17.842), потоа Жалгирис (14.773), како и Панатинаикос (14.526) – беше речено на прес-конференцијата што ја одржа Евролигата.

Како што се наведува, ова се официјалните бројки објавени од елитното натпреварување.

Можете да прочитате

Очекувана победа за Ѓоковиќ на стартот од Ролан Гарос

Белингем прогласен за играч на сезоната во Ла-лигата

Анчелоти најави заминување во пензија од редовите на Реал Мадрид