Утрински Весник
Свет

Над 30 лица загинаа во поплавите во Бразил, 60 лица се водат како исчезнати

Images 1.jpg

Над 30 лица загинаа во поплавите во јужен Бразил, 60 лица се водат како исчезнати, додека околу 15.000 жители се евакуирани.

Хидроелектрична брана во бразилската држава Рио Гранде до Сул се урна поради поплави предизвикани од обилните дождови кои траат неколку дена, оставајќи најмалку 500.000 луѓе без струја и чиста вода.

Во акцијата за пребарување и спасување беа вклучени и хеликоптери, а во некои населени места жителите се качија на покривите на нивните поплавени домови.

Бразилскиот претседател Луис Инасио Лула да Силва го посети поплавениот регион и вети помош од Владата на Бразил.

Гувернерот на државата Рио Гранде до Сул, Едуардо Леите побара итна помош за луѓето во поплавените подрачја, а владата на таа држава прогласи вонредна состојба.

Метеоролозите најавија дека врнежите ќе продолжат во тој регион.

Повеќе од 30 луѓе загинаа минатата година во циклон во Рио Гранде до Сул.

Можете да прочитате

Гугл поставува кабел со оптички влакна од Африка до Австралија

Состојбата на Фицо е стабилна, забележително е благо подобрување, велат од болницата

Борел: По пресудата на судот во Хаг, ЕУ мора да избере дали ќе ги поддржи меѓународните институции или Израел