Утрински Весник
Македонија

На лидерската договорено дискусијата за една изборна единица да се води во Собрание

СДСМ: Предвремени избори нема да има, на редовните парламентарни избори во 2024 Мицкоски ќе доживее нов пораз

СДСМ дава поддршка за законските измени за една изборна единица, рече премиерот Димитар Ковачевски по денешната лидерска средба. За различните аспекти што ги имаат политичките партии за една изборна единица премиерот рече дека договориле да се дискутира во Собранието.

dobivaj vesti na viber

„Во однос на законските измени за една изборна единица се договоривме дека дискусијата треба да се води во рамки на Собранието и дека таму треба да бидат земени предвид сите аспекти на политичките партии, бидејќи знаете дека во рамки и на коалицијата и во рамки на опозицијата има различни мислења во однос на изборниот закон. СДСМ е партија која во својата програма има поддршка за една изборна единица, а во рамки на Собранието ќе се расправа за модалитетите во однос на тоа дали треба да има изборен праг или не, застапеност на етнички заедници, родова застапеност на изборните листи и така натаму и дискусијата ќе се води во Собранието како што беше договорено на лидерската средба“, рече премиерот Ковачевски.

ВМРО-ДПМНЕ како најголема опозициска партија отворено кажа дека доколку Владата предложи тие ќе поддржат менување на изборниот модел во една изборна единица наспроти сегашните шест оти тоа ќе донесе еднаквост на гласот во секоја општина и на целата територија на Македонија.

Можете да прочитате

Под мотото „5 до 12 за македонското здравство“ в понеделник приватните специјализанти ќе излезат пред ресорното министерство

Филипче: Нашата понуда е јасна и искрена, понудата на ВМРО-ДПМНЕ е дестабилизација и застој

Јакимовски го праша Мицкоски: Зошто молчиш на уцените од ДУИ?