Пораки за бојкот на маркетите во Македонија поради високите цени на производите осамнаа на социјалните мрежи по примерот на Хрватска и Црна Гора.
Според фотографијата што се рашири на мрежите, граѓаните се повикуваат да не пазарат в петок, на 31 јануари, за да биде гласно испратена пораката дека покачувањата на цените се нерелани.
Бојкотот на маркетите почна минатата недела во Хрватска по што се прошири и кон Црна Гора и БиХ.
На темата утрово се огласи и опозицискиот СДСМ, од каде што ги обвинија владата и премиерот Мицкоски дека се целосно виновни што трендот од регионот за бојкотирање на маркетите се пренесува и кај нас.
