Актуелниот кошаркарски шампион на Македонија, МЗТ Скопје го доби и вториот финален меч против Пелистер (80:75) на свој терен од серијата кој прв до три победи и поведе со 2:0. Серијата продолжува в сабота во Битола, каде со уште еден триумф МЗТ Скопје ќе биде старо-нов шампион на Македонија. Пелистер имаше одличен почеток, во осум минути направија огромни 22:8. Но домаќинот успеа да се соземе, да возврати и на полувреме да замине со предност (46:43). МЗТ Скопје беше екипата која подобро го почна второто полувреме. Пелистер се враќаше во игра, но не успеа да ја преземе целосно контролата и на крајот беше поразен. Танасковиќ во редовите на МЗТ заврши со 16 поени, а кај „зелено-белите“ Костоски постигна 17 поени.
МЗТ Скопје вторпат го среди Пелистер и дојде на една победа до одбрана на титулата
