Министерството за внатрешни работи соопшти дека дојавите за поставени експлозивни направи во повеќе основни училишта во Скопје и Куманово се лажни.
„Денеска (28.10.2025) околу 18:00 часот во СВР Скопје и СВР Куманово пријавено е дека на емаил адресите во 28 училишта во Скопје и 17 училишта во Куманово пристигнати се пораки за наводно поставени експлозивни направи во училишта,“ информираат од МВР.
Оттаму додаваат дека веднаш биле преземени соодветни мерки и активности, полициски екипи извршиле проверки на сите локации и утврдиле дека се работи за лажни пријави.
Ова е уште еден случај во серијата лажни дојави кои во изминатиот период предизвикуваат вознемиреност кај учениците, родителите и наставниот кадар, но и дополнителен ангажман на полициските служби.
