Министерството за внатрешни работи ја извести јавноста дека против Билјана Ивановска, поранешна претседателка на Државната комисија за спречување на корупцијата, не се води никаква постапка во рамки на институцијата.
Од МВР потенцираат дека за сите пријави и постапки поврзани со Ивановска, единствено надлежно за давање одговори е Јавното обвинителство. Министерството додава дека сите информации во јавноста треба да се темелат на официјални податоци од надлежните органи, со цел да се избегне ширење на непроверени или неточни информации.
