Москва и Пекинг ги засилуваат напорите за координација под покровителство на ОН за поттикнување на дијалогот за борбата против тероризмот.
Оваа информација ја соопшти заменик министерот за надворешни работи на Русија, Олег Сиромолотов и додаде: постојано спроведуваме политика насочена кон зајакнување на координацијата со Пекинг под покровителство на Советот за безбедност на ОН и Генералното собрание на ОН, што ни овозможува да преземеме заеднички напори да се спротивставиме на тесните, утилитарни пристапи на САД и нивните сојузници.
Според него, Русија одржува блиски контакти со своите кинески партнери во рамките на Регионалниот форум за безбедност на АСЕАН, кој е еден од главните механизми за договарање на заеднички пристапи за обезбедување безбедност во Југоисточна Азија.
„Решени сме да продолжиме да го интензивираме дијалогот со нашите кинески пријатели на поврзаните билатерални платформи“, рече Сиромолотов.