Метео анализа на Славчо Попоски:
Полека но сигруно во Македонија летото и летните температури на воздухот ни започнуваат, и тоа по долг период на нестабилно и ладно време со потпросечни температури на воздухот и со чести врнежи и грмежи како и со појава на планински снег кој го имавме до скоро време во Македонија , регионот и ширум Европскиот Континент.
Инаку деновиве во најголем дел од Европа владее многу топол бран од Африка кој условува многу високи и натпросечни температури на воздухот кои надминуваат 30 степени а во делови од Европа веќе се мерат и 35 степени, а во југозападна Европа, односно во Шпанија изминатите денови беше многу потопло каде температурите локално се искачија дури и до 39 степени, температури кои се типични за месец јули а не за месец мај.
Топлиот бран во најголем дел од Европа ќе се задржи и во следните неколку денови и ќе условува многу високи летни и натпросечни температури на воздухот.
Во моето најново метео видео обраќање до јавноста можете да слушнете какво време ќе имаме во Македонија до крајот на оваа и во текот на целата наредна недела.
Како и да е, наскоро започнуваме со плажите, плажирањето и капењето, а ваквото летно време со летни температури на воздухот без прекин и без некое поголемо освежување ќе го имаме и во следните 10 денови.
